当前位置:主页 > F生活帮 >【超邪恶流心狗粮】日本直送士多啤梨蛋糕炒麵食评 >
【超邪恶流心狗粮】日本直送士多啤梨蛋糕炒麵食评
发表日期:2020-06-13 20:14| 来源 :F生活帮| 点击数:150 次
【超邪恶流心狗粮】日本直送士多啤梨蛋糕炒麵食评

是咁的,相信有去开韩日食品店或者熟悉日本嘅巴丝,都会听过明星食品出产嘅「一平夜店炒麵」。正常味道係好食嘅,但佢哋非常锺意製作特殊口味,就好似上月新出嘅草莓蛋糕味。笔者身先士卒托人带咗盒返嚟试食,一放入口心谂:「我究竟食乜X……」

呢盒麵味道正式名叫Shortcake(ショートケーキ),即係我哋叫开嘅水果忌廉蛋糕。唔使开封净係望住包装右上角张相,云呢拿味蛋黄酱沟士多啤梨乾再沟彩虹条,加上不明白色颗粒,睇图都知伏味浓。开封后盖纸有清晰图解食用指示,唔识日文亦问题不大,不过有个问题:冇叉用,要自备。盒内总共有三包配料,分别係底味酱汁、疑似云呢拿味嘅白色蛋黄酱同乾料。

【超邪恶流心狗粮】日本直送士多啤梨蛋糕炒麵食评
◆ 包装纸右上角参考图令人不安【超邪恶流心狗粮】日本直送士多啤梨蛋糕炒麵食评
◆ 盖纸有晒图同1、2、3,冇理由唔识焗呀?【超邪恶流心狗粮】日本直送士多啤梨蛋糕炒麵食评
◆ (左起)超邪恶蛋黄酱、底味酱汁、乾料【超邪恶流心狗粮】日本直送士多啤梨蛋糕炒麵食评
◆ 包乾料有士多啤梨乾、彩虹条同白色糖粒

跟着落嚟同平时食炒麵王做法差唔多,落滚水到刻线位焗3分钟、倒水,捞料食得。值得一讚係佢个开倒水位冇香港啲咁悭皮,设计好又实净,将成盒麵180度倒转,半条麵都冇泻出嚟,劲!打开个盖啲麵味涌出嚟,份量比想像中多,感觉真材实料,不愧係日本出品

【超邪恶流心狗粮】日本直送士多啤梨蛋糕炒麵食评
◆ 落滚水到刻线位【超邪恶流心狗粮】日本直送士多啤梨蛋糕炒麵食评
◆ 出水位个设计好好,香港应该学习吓【超邪恶流心狗粮】日本直送士多啤梨蛋糕炒麵食评
◆ 开封,啲麵真係好香

之后落酱先係戏肉,嗰包蓝色酱汁係糖浆嚟架喎大佬!抱着必死嘅觉悟开包白色酱汁,闻落冇头先咁严重,但唧落去噁心指数要畀10分,洒埋包乾料就大功告成,好想即刻倒落厕所。挣扎完一轮,捞两嘢放入口,首先袭来一阵老麦热香饼餐糖浆甜味,夹杂少少鹹味,忽然又食到滑潺潺嘅白色酱汁,然后係脆口嘅士多啤梨乾同白色粒粒(食完到而家都唔知佢咩嚟,忌廉乾?)。同一时间3只味、4种口感喺口腔内交战,完全分唔清自己食紧甜品定炒麵。虽则盒麵未至于难食到呕,但再战?不了。补充一点:啲白色酱汁唔多够,食到底得番糖浆同鹹味,劣食层次感会高啲。

【超邪恶流心狗粮】日本直送士多啤梨蛋糕炒麵食评
◆ 先落糖浆…成阵化学甜味攻上鼻【超邪恶流心狗粮】日本直送士多啤梨蛋糕炒麵食评
◆ 然后係云呢拿味蛋黄酱【超邪恶流心狗粮】日本直送士多啤梨蛋糕炒麵食评
◆ 整张超近镜畀大家睇,係咪好冲击呢?【超邪恶流心狗粮】日本直送士多啤梨蛋糕炒麵食评
◆ 加乾料,提高成个麵色彩层次【超邪恶流心狗粮】日本直送士多啤梨蛋糕炒麵食评
◆ 完成品都几似封面图【超邪恶流心狗粮】日本直送士多啤梨蛋糕炒麵食评
◆ 本着不要浪费食物嘅精神,顶硬上食清光

【仿製狗粮】自製香港山寨加强版

对劣食情有独锺嘅巴丝如欲跟机,又无法自己买或请朋友仗义入货,喺度提供个折衷方案畀你:老麦糖浆+士多啤利新地+净炒麵王,唔使落晒全部嘅,每样落少少就够。劣化糖浆加上人造士多啤梨酱同云呢拿,冲击程度比起士多啤梨忌廉蛋糕麵有过之而无不及,试食一啖直头想呕。好彩冇乜aftertaste,只味快来也快去,饮几啖水走七成,唔似得蛋糕麵咁要饮两杯茶先散得走一半,如果食完唔记得洗手,只味留喺手指头足足一个钟,感觉幸福美满。

【超邪恶流心狗粮】日本直送士多啤梨蛋糕炒麵食评
◆ 集齐三样神器【超邪恶流心狗粮】日本直送士多啤梨蛋糕炒麵食评
◆ 个样核突过正版,只味都係

【预告】一平夜店炒麵朱古力酱2017版

利申,笔者冇自虐倾向,但今个月新出嘅「一平夜店炒麵朱古力酱2017版」将继续以友情托运方式月底抵港,到时会做死士食多次。笔者曾亲身现场睇朋友示範食旧版本,闻到只味即刻弹开三呎走避,高lv过士多啤梨忌廉蛋糕,有兴趣嘅巴丝敬请留意。

相关推荐