当前位置:主页 > B水生活 >影相拍片一机走天涯Canon EOS 80D >
影相拍片一机走天涯Canon EOS 80D
发表日期:2020-07-09 04:12| 来源 :B水生活| 点击数:405 次
影相拍片一机走天涯Canon EOS 80D

讲到一机走天涯,唔少人会建议高倍变焦DC或者单反/无反加支天涯镜,但如果净係计支镜头变焦倍数,似乎就忽略咗拍摄质素同操作性。有要求又想方便嘅朋友,Canon EOS 80D加全新版EF-S 18 ~ 135mm 3.5 ~ 5.6 IS USM会係一个非常好嘅选择。

对单反情有独锺嘅朋友,有部份係出于接受唔到EVF嘅感觉,但其实有好多单反嘅LiveView反应唔及无反,可谓各有千秋。不过自从Canon推出拥有Dual Pixel技术嘅EOS 70D之后,问题完美解决,不论用光学观景窗定係开住LCD嚟LiveView,相机表现一样快捷。EOS 80D属于70D嘅后继机,解像度提升至跟其他牌子APS-C相机相同的2400万像素,对焦方面亦再度提升。

2400万像素配DIGIC 6

EOS 80D採用2400万像素感光元件,虽然都係配合DIGIC 6处理器,但原生感光度已经做到ISO100 ~ ISO16000,仲可以扩充上ISO25600,算唔错。另外佢仲内置口大一口7560像素RGB+IR测光系统,不但测光準确,连自动白平衡都一样会咁準,可靠又高质。

对焦再强化
新机亦喺传统相位对焦系统同追焦运算再度加强,全新45点全十字型相位对焦系统,最中间对焦点更加係双十字型,对焦更敏感。另外于f8光圈镜头下操作仍可以保持有27点运作,操作弹性非常高。自动追焦运算再度提升,用上新AI SERVO AF II运算法配以更多自订功能,再加强配合RGB+IR测光系统连动嘅「色调侦测自动对焦」功能,连续追焦更快更準。另外,大家唔好似为Dual Pixel对焦本身因为每个像素就係一个对焦区就冇得搞,其实Canon有就住几部DAF系统相机嘅经验,提升系统读出速度同再改良演算方法,令LiveView时追焦速度所提升。所以整体做到7fps或于LiveView情况下做到5fps追焦连拍。 

影相拍片一机走天涯Canon EOS 80D
◆ EOS 80D外形上已经同同厂高阶机非常相近。影相拍片一机走天涯Canon EOS 80D
◆ 有独立Mic in同埋Headphone out,拍片必备。影相拍片一机走天涯Canon EOS 80D
◆ 独立功能设定键非常多。影相拍片一机走天涯Canon EOS 80D
◆ 机背设计係一贯Canon单反风格。影相拍片一机走天涯Canon EOS 80D
◆ 主开关设喺机身左方。影相拍片一机走天涯Canon EOS 80D
◆ 可翻动式LCD同时设有触控功能。影相拍片一机走天涯Canon EOS 80D
◆ 感光度最高为ISO1600,并可扩充到ISO25600。影相拍片一机走天涯Canon EOS 80D
◆ 45点对焦系统。影相拍片一机走天涯Canon EOS 80D
◆ 可以个人化功能/效果嘅位置非常多。影相拍片一机走天涯Canon EOS 80D
◆ 内置咗Wi-Fi可以直接连手机或者电脑。

新版本EF-S 18 ~ 135mm 3.5 ~ 5.6 IS USM更合拍片

虽然今次EOS 80D并未有支援4K拍片,但由于对焦功能方面再度提升,再加上设有防光管闪烁、全高清HDR同埋内置多达5款拍片专用创意滤镜,令拍片操作上比市面同级嘅相机更好。而随住80D嘅推出,有关方面亦推出一支新版本嘅EF-S 18 ~ 135mm 3.5 ~ 5.6 IS USM镜头作为套装镜推出。新版用咗新嘅Nano USM令镜头对焦更快更静,再加上可以加上电动变焦转接器PZ-E1(另购),等用家可以选择唔同速度作电动变焦,等拍片抽Zoom更加顺畅,根本就係将一部DSLR变身成DV!

影相拍片一机走天涯Canon EOS 80D
◆ 全新版本18 ~ 135mm镜头。影相拍片一机走天涯Canon EOS 80D
◆ 镜头底部有接点口,变焦环亦有齿口。影相拍片一机走天涯Canon EOS 80D
◆ 加上变焦底座霸气尽现。

短评:一机走天涯不是梦

今次EOS 80D重点係喺对焦方面大幅度改进,唔单只係速度方面,更重要係加强咗追焦能力同功能,不论影相拍片都更加方便可靠。加上今次可配埋支新版18 ~ 135mm高倍变焦镜头都係卖一万多,影相又好拍片又好其实係一个好唔错嘅选择。

基本规格:

解像度:2400万

感光元件:APS-C CMOS

Crop Factor:1.6X

接环:Canon EF

对焦点:45点十字、中央为f2.8双十字

ISO:100 ~ 16000(可扩充至ISO25600)

快门範围:30 ~ 1/8000s、B快门

LCD:3吋 104万 触屏 可翻动

光学观景窗:100% 0.82X

最高连拍速度:7fps

其他:内置Wi-Fi及NFC

拍片解像度:最高1920 x 1080 / 60p

记忆卡:SD、SDHC、SDXC

体积:139 x 105 x 79mm

重量:730g

查询: Canon (电话: 3191 2333)

定价: $8,480(净机身)、$9,580(连15 ~ 55mm镜头)、$11,680(连新版18 ~ 135mm镜头)

相关推荐